மதுரை அரசு சட்டக் கல்லூரியின் 2-ம் ஆண்டு பட்டமளிப்பு விழாவில், மின்சாரத் துறை அமைச்சர் மேடையில் இருந்தபோதே மின்வெட்டு ஏற்பட்டதால் சிறிது நேரம் சலசலப்பு ஏற்பட்டது.
மதுரை தமுக்கம் மைதான அரங்கில் மதுரை அரசு சட்டக் கல்லூரியின் இரண்டாவது பட்டமளிப்பு விழா நடைபெற்றது. இதில், சென்னை உயர்நீதிமன்ற நீதியரசர்கள், எரிசக்தி மற்றும் சட்டத்துறை அமைச்சர் நிர்மல் குமார் உள்ளிட்டோர் பங்கேற்று உரையாற்றினர்.
இந்நிலையில், சென்னை உயர்நீதிமன்ற நீதியரசர் ஜெகதீஷ் சந்திரா பேசிக் கொண்டிருந்தபோது, திடீரென மின்வெட்டு ஏற்பட்டது. சிறிது நேரத்தில் மின்சாரம் சரி செய்யப்பட்டது. குறிப்பாக சென்னை உயர்நீதிமன்ற மதுரை அமர்வின் நீதியரசர் பேருரை ஆற்ற தொடங்கிய உடனே மின்வெட்டு ஏற்பட்டது. இதனால், சிறிது நேரம் அப்செட் ஆன நீதிபதி, தனது உரையை நிறுத்திவிட்டு மேடையில் அமர்ந்திருக்கும் மின்சாரத் துறை அமைச்சர் நிர்மல் குமாரை பார்த்தார்.
சிறிது நேரம் கழித்து தடைபட்ட மின்சாரம் மீண்டும் வந்தபோது “கரண்ட் வந்துவிட்டது” என்று கூறிவிட்டு தனது உரையை தொடங்கினார்.
இதனால் விழா நடைபெற்ற அரங்கில் சிறிது நேரம் சலசலப்பு ஏற்பட்டது.
